La associazion Lidrîs e Butui

La associazion Lidrîs e Butui e je ative a Turin dal 2003.

Il sodalizi al à chê di “dâ adun e tignî dongje i Furlans che a son a stâ a Turin, te aree metropolitane turinês e inaltrò in Piemont” e di sapontâ la valorizazion e l’ûs de lenghe furlane e la cognossince e il rinovament de culture dal Friûl.

Lidrîs e Butui, cemût che al salte fûr ancje dal so non, e fâs riferiment in dutis lis sôs ativitâts a di une identitât etniche e linguistiche dinamiche, lontanone di cualsisedi mît o mistificazion, fuarte e cussiente de sô evoluzion continue e ducje vere, vive e vivarose. Al è par vie di dut chest che tes sôs finalitâts sociâls a son ancje la promozion des lenghis minoritariis, la difusion dai “valôrs de multiculturalitât e de interculturalitât, de tolerance, dal rispiet, de cognossince, dal dialic e dal confront tra lis personis, lis comunitâts e i popui”, il sburt ae incressite e ae difusion de cussience europeane, la poie ae creativitât tai diviers setôrs de art e de comunicazion, il davuelziment di ativitâts di ricercje su argoments che a son leâts cu la tutele des minorancis, lis migrazions, la Europe e il pluralisim culturâl.

La azion di Lidrîs e Butui intal concret e ten dentri iniziativis e manifestazions culturâls, agregativis e sportivis, inmaneadis in maniere direte o cu la colaborazion di altris sogjets, sei publics sei privâts.
Tra lis iniziativis metudis adun di Lidrîs e Butui a meretin segnaladis lis origjinâls celebrazions dai 3 di Avrîl – la “Fieste de Patrie”, “Fieste dal popul furlan”, “Fieste dai furlans”, inovâl de trasformazion, tal 1077, dal Patriarcjât di Aquilee intun stât autonom (par ce che chest al voleve dî in chê volte) – e dai 27 di Fevrâr, inovâl dal grant riviel dai contadins furlans che al è stât dilunc dal Carnavâl dal 1511 e par chest sielzût de bande di uns pocjis di associazions furlanis tant che  “Zornade furlane dai dirits”: a tacâ dal torneu amatoriâl multietnic di balon a 5 ”3 di Avrîl” fintremai ai incuintris dedicâts ae cinematografie, ae musiche e ae leterature furlanis contemporaniis e a chei su la storie dal Friûl e su la tutele des minorancis in Europe.

Un altri cjamp de ativitât dal sodalizi, soredut tai ultins agns, al è chel de assistence di caratar informatîf pai zovins furlans che a vegnin a studiâ a Turin.

Per savênt di più: lidrisebutui@gmail.com.

Advertisements

7 thoughts on “La associazion Lidrîs e Butui

  1. Pingback: Dîs agns di Lidrîs e Butui e passe un mês di blog | LIDRÎS E BUTUI

  2. Pingback: Buine Zornade Furlane dai Dirits! | LIDRÎS E BUTUI

  3. Pingback: Moussu T e lei Jovents usgnot a Aison | LIDRÎS E BUTUI

  4. Pingback: Cungjò, president | LIDRÎS E BUTUI

  5. Pingback: ‘Occitania, Friuli, Europa’ a Udin ai 14 di Novembar. In spiete di Suns | LIDRÎS E BUTUI

  6. Pingback: Occitania, Friuli, Europa… su Radio 1 Rai ai 8 di Zenâr | LIDRÎS E BUTUI

  7. Pingback: I.BI.S., dai 7 di Març a Udin si resone su plurilinguisim e integrazion | LIDRÎS E BUTUI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s