Bretagne + Irlande + Sardegne + Svezie + Premio Ostana = Babêl Europe 11/3018

O sin ai 29 di Mai, al è martars e cheste e je la setemane juste par une gnove pontade di Babêl Europe, il program cuindisinâl dedicât ae produzion musicâl tes lenghis propriis des minorancis e des nazions cence che al cjate spazi tal palinsest di Radio Onde Furlane.  La prime emission e je vuê a 11 a buinore in direte. Il program al tornarà tal etar, in repliche, ancje doman, miercus ai 30 a une dopo di misdì, e sabide ai 2 di Jugn a une e mieze.

La pontade numar 11 dal 2018 de trasmission e pontarà la sô atenzion su la atualitât, tra festivals, premis e altris events, di Folkest 2018 al Premio Ostana, e une part de scjalute e sarà dedicade aes conessions tra sport, identitât, lenghis e musichis.

E sarà la ocasion par scoltâ une cjançon dai sarts Askra dedicade all’innomenât zuiadôr di balon Gigi Riva e par fâ une altre cerce di Eyjafjalljökull, il disc gnûf dal rocker breton  Gweltaz Adeux. Simpri in Bretagne Babêl Europe e tirarà fûr dal so archivi ancje un toc dal repertori dai Daonet intant che il percors de trasmission al tocjarà ancje la Irlande, cu la vôs de cjantante Lasairfhíona Ní Chonaola, e la Svezie, cui Jord, band che e cjante par tornedalian.

Babêl Europe si pues scoltâle su lis frecuencis di Radio Onde Furlane (sui 90 Mhz te plui part dal Friûl, sui 90.2 Mhz in Cjargne e in dut il mont in rêt ae direzion www.ondefurlane.eu).

Cun di plui, compagn di chês altris pontadis, ancje chê di cheste setemane e vignarà archiviade su internet.

Advertisements

One thought on “Bretagne + Irlande + Sardegne + Svezie + Premio Ostana = Babêl Europe 11/3018

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s