Babêl Europe, doman in direte e miercus in repliche la ultime puntade dal 2016

Pieter_Bruegel_the_Elder_-_The_Tower_of_Babel_Rotterdam

Babêl Europe no si ferme nancje vie pes fiestis di Nadâl e dal ultin dal an.
La trasmission cuindisinâl dedicade ae produzion musicâl tes lenghis minozadis dal continent, che di passe cuatri agns e fâs part de programazion di Radio Onde Furlane, e torne doman ai 27 di Dicembar in direte a 11 a buinore e miercus in repliche a une dopo di misdì.

Te ultime pontade dal 2016 si fasarà un struc des jessudis discografichis e dai aventiments plui interessants che a tocjin la ‘Europe babeliche’ che a son stâts vie pal an.

E sarà la ocasion par tornâ une cerce dai discs di Lou Dalfin, Rive No Tocje, Claudia Crabuzza e Moussu T e lei Jovents.

moussu-t-e-lei-jovents-navega-deluxe-edition

Si fevelarà ancje dai diviers progjets, tra musiche, fumuts e audiovisîfs, di Fermin Muguruza, cuntune gnove cerce dal album Black is Beltza ASM Sessions, metût adun cun Chalart 58 e cu la partecipazion di une schirie di cjantants e musiciscj, e dal Gales, protagonist dai Campionâts europeans di balon di chest an che al è daûr a finî, cu la scolte di un toc de innomenade cjantante e musiciste galese Gwenno.

Gwenno

Babêl Europe si pues scoltâle in modulazion di frecuence (Radio Onde Furlane si cjape sui 90 Mhz te plui part dal Friûl e sui 90.2 Mhz in Cjargne) o ben in rêt, in dut il mont, ae direzion www.ondefurlane.eu.  Cun di plui, dopo des dôs emissions di doman e di miercus, la trasmission e sarà a disposizion in rêt.

rof_suns2016

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s