Babêl Europe, su Onde Furlane si cerce il gnûf disc di Moussu T e lei Jovents

1-moussu-t-e-lei-jovents-c-christine-cornillet-2016
Un viaç de Ocitanie ae Carelie e di Parîs ae Catalogne, tra events, ricorencis, storie e novitâts discografichis.
Ancje la seconde pontade dal mês di Setembar di chest an di Babêl Europe si presente une vore siore di contignûts: musiche di scoltâ e altris informazions e segnalazions ‘babelichis’.

Il program cuindisinâl dedicât ae produzion musicâl tes lenghis minorizadis dal continent – che si pues scoltâlu vuê, martars ai 20, a 11 a buinore in direte e doman, miercus ai 7, in repliche a une dopo di misdì, te programazion di Radio Onde Furlane  (sui 90 Mhz te plui part dal Friûl, sui 90.2 Mhz in Cjargne e in dut il mont in rêt ae direzion www.ondefurlane.eu) – al pontarà la sô atenzion su la Diada, la fieste nazionâl catalane, che e cole ai 11 di Setembar, su la Zornade europeane des lenghis (la setemane che e ven, ai 26 di Setembar) e suntune iniziative di pueste inmaneade in Sardegne sabide ai 24 e domenie ai 25, e su la Zornade europeane de culture ebraiche  (domenie passade, ai 18). Dut chest al vignarà cuinçât cu la musiche di Marina Rosell e dai Klunk.

banner-2-2

Dentri di Babêl Europe si fevelarà ancje di Suns Europe, di scuele e (ancjemò) dal Premi Tenco e de sô sezion dedicade aes produzions fatis tai dialets talians e tes lenghis minoritariis, che però a continuin a clamâle dome «album in dialetto» (???!!!),  che tra i siei cinc finaliscj al è ancje il disc Com un soldat di Claudia Crabuzza. Cuntun salt indaûr tal timp di sù par jù cuarante agns, si tornarà a scoltâ ancje la cjantante ocitane di divignince furlane Josiana Vicenzutto.

Ma e sarà soredut la ocasion par fâ une cerce di Navega, il gnûf disc di Moussu T e lei Jovents , che la sô jessude uficiâl e je proviodude par vinars ai 23, e par viodi ce che al nas te galassie babeliche nostrane di Musiche Furlane Fuarte, cul gnûf disc di Rive no tocje.

Ancje cheste pontade di Babêl Europe, dopo des dôs emissions di vuê e di doman, si podarà tornâ a scoltâle in rêt.

moussu-t-e-lei-jovents-navega-deluxe-edition

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s