A Gardiscje si scree il Torneu ‘Rocco’ e l’Udin al vinç cuintri de Juve

FuarceUdinees

Îr si à screade la edizion numar 31 dal innomenât torneu internazionâl di balon Nereo Rocco, che fintremai a domenie al clame dongje, a Gardiscje e inaltrò in Friûl e a Triest, une selezion di scuadris Under 17 dal Stât talian e dal rest dal mont.

A partecipin ae competizion ancje lis formazions dal Udin, dal Turin e de Juventus e propit Udin-Juve e je stade la prime partide di dute la manifestazion.

A Gardiscje la scuadre di balon furlane e à vinçût doi a un cuintri dai blancs e neris turinês.
La formazion vuidade di Maiero prime e lasse sbrocâ i juventins e po e passe in vantaç cun Bocic al minût 13. La reazion dai aversaris no si fâs spietâ, cun Lombardi che al vuadagne un penalty e lu segne . Tal secont timp l’Udin al mostre di vê plui snait e plui energjie: al ten bot denant de Juve e po al impon une cierte supremazie teritoriâl, par rivâ a cjatâ il gol dal sucès cun Battistella.

Vuê l’Udin al zuie a Vildivar cuintri dal Rijeka, intant che îr il Toro al à vinçût 2-0 cuintri dal Genoa.

Ve chi ducj i risultâts de prime zornade:
Juventus – Udinese 1-2, Ryukei – Rijeka 0-3, Milan – Nova Gorica 2-1, Deportivo Cali – Venezia 1-2, Torino – Genoa 2-0, Colo Colo – Domzale 2-1, Chivas – Midtjylland 2-1, Atalanta – Empoli 2-0.

Chel chi, invezit, al è il program des partidis di vuê:
Juventus-Ryukei Kashiwa (Trep Grant, h.18.30), Udinese-Rijeka (Vildivar, h.19.30), Deportivo Cali-Milan (Triest S.Sergio, h.18.30), Nova Gorica-Venezia (Vilès, h. 20), Genoa-Domzale (Cisarûl, h.19), Torino-Colo Colo (Torean, h.19.30), Atalanta-Chivas (Visc, h. 18), Empoli-Midtyjlland (Tisane, h. 19.30).

Dutis chês altris informazions in cont dal Torneu Rocco si cjatin culì.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s