Empoli – Udinese 1-1

udin_neri

Empoli e Udin a zuin sù par jù un timp par om, a fasin un gol par om e a cjapin un pont par om. La partide di nossere e finìs cussì: cence vincidôrs e cuntun tic di marum par dutis dôs lis scuadris, massime pe formazion blancje e nere, che ae fin dal incuintri, za tal recupar, e viôt sfantâsi la pussibilitât di vinci e di puartâ a cjase trê ponts preseôs.

Pe ocasion Colantuono al mande in cjamp une scuadre cun cualchi novitât assolude – la cubie di atac formade di Zapata e dal gnûf rivât Matos – e diviers altris cambiaments rispiet a chê che domenie e veve zuiât cuintri de Lazio: tra i titolârs a son Herteaux e Felipe, in difese, e  Widmer, Hallfredsson, Lodi e Fernandes, te seconde linie.

Lis sieltis di Colantuono a son chês justis, stant che l’Udin al partìs ben, cun snait e cun ecuilibri, e soredut Matos si inserìs ben te manovre, sei in tandem cun Zapata che in cubie con Fernandes, che propit in graciis di une sô iniziative al impegne Skorupski cuntun diagonâl ben petât.
Ancje Zapata si zove di un azion inviade dal ex zuiadôr dal Carpi e al segne dopo vincjetrê minûts di zûc.

L’Empoli al fâs zirâ la bale avonde ben, ma no rive a jessi pardabon pericolôs. L’Udin no si scompon daûr e al prove a dopleâ il vantaç in cuintripît ancjemò cun Fernandes e cun Zapata.

Tal secont timp al è un câl de atenzion e de tignude dal cjamp de bande dai blancs e neris. L’Empoli al rive a fâsi vîf des bandis di Karnezis. Al vuadagne ancje un rigôr cul ex blanc e neri Zielinski: lu tire Saponara, ma al ven parât dal puartîr dal Udin.

Propit la ocasion mancjade ur da gnove fuarce ai parons di cjase, che a frachin il pedâl dal aceleradôr e a provin a tirâ in puarte cun Pucciarelli, Mario Rui e Maccarone, che però no van a bersai. L’Udin al è in ritirade e cussì i empolês a provin ancjemò, fint tal ultin, e dopo di une biele triangolazion cun Maccarone propit Pucciarelli al rive a cjatâ la bale juste che e finìs te puarte di Karnezis e al è un a un.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s