Musiche furlane di esportazion. La Stampa e Italia 1 a discuvierzin Doro Gjat

dorogjat_lastampa

Il nestri amì Andrea di Collegno al disarès: «No je simpri ‘busiarda’». Cun di fat, tai ultins dîs La Stampa le à scrite juste almancul intun pâr di ocasions: vuê sul sît  dal cuotidian di Turin al è stât publicât in timp reâl un articul che al da cont dai ultins disvilups de situazion politiche catalane, intant che un pôcs di dîs indaûr al è saltât fûr un toc che al fevele dal rapper cjargnel Doro Gjat e dal so disc solist Vai Fradi.

Cence gjavâi nuie ae Catalogne, nus somee che il cuotidian di Turin al vedi centrât il bersai soredut in chest secont câs, ancje parcè che la atenzion dedicade a Doro Gjat e ae sô ativitât e je une gnove testemoneance dal valôr de musiche produsude in Friûl e (almancul in part) par furlan e de sô capacitât di atrat e di interès cence confins.

Chel articul e tancj altris che a son daûr a vignî fûr in chestis setemanis a son ancje une conferme dal snait di chei di ReddArmy – che e je une farie di creativitât tal cjamp de musiche e de comunicazion e che dongje di Radio Onde Furlane, di Musiche Furlane Fuarte e de Nota si pues calcolâle une des ‘plataformis logjistichis’ fondamentâls dal Friûl in chest ambit – e soredut dai Carnicats, il coletîf cjargnel che di chel a fasin part sei Doro Gjat sei Dek Ill Ceesa (che un so toc si cjate ancje tal cd in zonte di Occitania, Friuli, Europa. La mia lingua suona il rock).

Vai Fradi  al è jessût doi mês indaûr, compagnât ancje di un biel video, e al è un album là che a vegnin metûts dongje furlan, inglês e talian, cun personalitât e cun mistîr, in linie cul stîl dai Carnicats, che in gjenerâl a son bulos tal contâ storiis, tal incrosâ ritmis e rimis e tal miscliçâ lenghis e lengaçs musicâi in maniere inteligjente e furbe, cul hip pop che si colore di pop, rock e reggae.

Cun Vai Fradi Doro Gjat al marche propit cheste ispirazion semplice e origjinâl, che cui tescj e cul lôr imagjinari si mostre a palês speciâl, divierse e fûr di cierts lûcs comuns che a tocjin sei il Friûl e la Cjargne sei soredut l’hip hop.

Chel caratar al ven marcât a fuart propit tal articul da La Stampa, che al à stiçât ancje la curiositât di chei di Italia 1.

Cussì cualchi dì indaûr al è stât ancje un servizi par television, dentri di Studio Aperto, che nol è nuie mâl, cemût che si pues viodi achì.
Pecjât dome par chel «dialetto friulano» che al sa di publicitât de Nutella
.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s