Fiorentina – Udinese 3-0

udin_neri

L’Udin al torne a cjase di Florence cun trê goi cjapâts e zero ponts. Cuintri de Fiorentina i blancs e neris a zuin avonde ben, ma a patissin la cualitât plui alte dai aversaris, cualchi erorut di masse e ancje un tic di sfortune.

I parons di cjase si mostrin determinâts za tai prins minûts de partide: Bernardeschi al scate su la fasse a man drete e al met tal mieç la bale par Kalinic che il so tîr al ven  parât di Karnezis.
L’Udin al ten bot e al rispuint cu la cubie di atac Thereau-Aguirre e cun Badu e Widmer che a rivin par daûr. Propit Badu si svicine al gol cul cjâf, ma la bale e va fûr di pôc, intant che cualchi minût plui tart al è Badelj a butâle dentri te puarte blancje e nere.

La scuadre furlane no si fâs cjapâ des striis e si puarte indenant par cirî il gol, intune partide che e manten ritmis alts e bogns. L’Udin si svicine al un a un cun Widmer, che al cjape il pâl suntun sugjeriment di Lodi, e la Fiorentina no disfrute inte maniere miôr une biele bale prontade di Alonso par Kailinic, cussì il prin timp si siere cul vantaç dai parons di cjase.

Dopo de polse lis scuadris a tornin tal cjamp cu lis formazions di prime. Dopo di une desene abondante di minûts Colantuono al mande dentri Di Natale e Bruno Fernandes al puest di Aguirre e Iturra, cun chê di dâ plui fantasie aes primis liniis. Magari cussì no, un contat te aree di rigôr tra Badu e Kalinic, calcolât tant che iregolâr de bande dal arbitri, al met la Fiorentina tes condizions di dopleâ il vantaç cul tîr dal discut di Ilicic, che al cjape sù la ocasion cun mistîr: nuie ce fâ par Karnezis e doi a zero.

Cun doi goi te scarsele, i parons di cjase a ridusin la pression e a tirin sù lis bariduris che ur coventin par no vê plui fastidis. Cun dut achel l’Udin al rive a meti in crisi la coraçade colôr di viole – par esempli cun Widmer che al servìs a Di Natale un balon di aur, ma Totò le tire malamentri – però il risultât nol cambie. O miôr, al cambie ancjemò a pro de Fiorentina, cul gol di Gonzalo Rodriguez, che al salte plui indalt di Piris, le met tal sac e al siere l’incuintri.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s