Suns 4, musiche furlane “Vive!” e di antologjie

suns_vert

A son passâts altris cinc agns, ma e je simpri “gnove musiche furlane”. La produzion musicâl par furlan e manten ancjemò i siei caratars di fonde: ven a dî di jessi “gnove” e di jessi “furlane”. Dut chest al salte fûr a clâr tal cuart volum di “Suns”, la Antologjie de gnove musiche furlane, metude adun par cure di Marco Stolfo.

La publicazion, che e je stade editate de bande de Nota di Udin, e je un cd book, ven a dì un disc, cun vincjeun tocs di ancjetancj protagoniscj de produzion musicâl contemporanie par furlan, compagnât di sessantesîs pagjinis di lei e di cjalâ, cun tescj, fotos e altre documentazion ancjemò.

25-10-14_AldoSbadiglio

Il dut al da cont dai ultins cinc agns di ativitât – dal 2011 al 2015 – là che la “novitât” e à cjapât dentri sei il saltâ fûr di progjets gnûfs e di personaçs gnûfs, sei chê inovazion, chê invenzion e chê sperimentazion che a vegnin garantidis ancjemò di cui che al è za di timp che al scrîf, che al cjante e che al sune, doprant la lenghe furlane in musiche in maniere creative, moderne e normâl.  cence prejudizis e cence limits e cu la voie e cu la capacitât di contâ il mont e di contâsi al mont.

La publicazion, che il so titul specific al è ‘Vive!”, cun chê di marcâ la vivarositât de produzion musicâl contemporanie par furlan, e ven presentade vuê a Udin, inte suaze dal festival european des arts performativis tes lenghis minoritariis Suns Europe, a 5 e mieze sore sere alì dal Oratorio del Cristo.

laiplessness4

Te antologjie, che e vignarà distribuide ator pal Friûl a tacâ dai 9 di Dicembar, si cjatin cjançons di Loris Vescovo, Lino Straulino, Elisa Martin, Priska, Giulia Daici, Matteo Segrado, Franco Giordani, Luigi Maieron, Canzoniere di Aiello, Luna e Un Quarto, Aldo Sbadiglio e la Famiglia Ananas, Aldo Rossi, Carnicats, Bakan, Trabeat, Ulisse e i Ciclopi, Truc, Mig 29 over Disneyland, Arbe Garbe, Orko Trio & Fabian Riz e Laipnessless.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s