Udinese – Atalanta 3-1

L’Udin al vinç ancje cuintri de Atalanta. Il passaç dal campionât ae Cope Italie al è segnât di un cambiament te struture de scuadre di balon furlane e di une continuitât di fonde par ce che al tocje la tignude atletiche e psicologjiche, la cualitât dal zûc e il risultât finâl.

I mudaments a tocjin la formazion, là che Colantuono al manten dome un dai zuiadôrs in cjamp cuintri dal Chievo, Piris, e al met in vore un turnover pardabon significatîf, marcât de presince di diviers zovins, a tacâ di Pontisso e dal puartîr Meret, e di chê dal cjapitani Totò Di Natale, za a tacâ dal prin minût. Propit il mix di zoventût e esperience al è la clâf di leture de partide, dal so disvilup e de sô conclusion, stant che il prin e e il tierç gol ju firme Totò e che tra i pâi Meret al mostre di vê numars bogns pal avignî.

L’incuintri si vierç inte maniere miôr pai parons di cjase, che dopo cuatri minûts ur ven dât un rigôr par un fal in aree di Grassi: dai undis metris al tire Di Natale e al è un a zero.

L’Udin al gjestìs il vantaç cun sintiment e cun atenzion, la Atalanta e prove a reagjî ma no rive a fâ alc e ce: e stente a jessi pericolose e cuant che si svicine in zone gol e cjate Meret che al è simpri tal puest just inte maniere juste. Al è ce che al sucêt ator de metât dal prin timp, prime suntun tîr di Monachello e po suntune iniziative di D’Alessandro.

La prime frazion si siere cuntun pâr di scorsadis dai blancs e neris de bande di Di Natale e Perica, intant che il secont timp si vierç cu i bergamascs che a frachin il pedâl dal aceleradôr cun Brivio e a cjatin il gol cun Monachello. L’un a un al sburte ancjemò indenant la Atalanta, ma Meret al sta in vuaite e no si scompon.

Si vierç une fase di zûc interlocutorie, là che l’Udin al recupare teren e al torne a puartâsi indenant. Al rive cussì il secont gol blanc e neri: cross di Alì Adnan e conclusion di Perica. L’Udin, tornât in vantaç, al manten il control de partide. La clime si scjalde e il zûc va al mancul: i ospits a provin a fâsi viodi des bandis di Meret, ma cence fastidis pal Udin, che impen e cjate ancjemò la strade dal gol ancjemò cuntun cross di Alì Adnan e cuntune conclusion bielonone di Di Natale e al è trê a un.

Ai 17 di Dicembar pe Cope Italie l’Udin al varà di lâ a Rome par zuiâ cuintri de Lazio.

fuarceudinees

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s