Suns Europe – Sunsûrs, di usgnot ai 7 di Dicembar leteraturis babelichis ator pal Friûl

suns_europe_sunsurs

E dopo dal cine, la leterature. Il festival european des arts performativis tes lenghis minoritariis Suns Europe al va indenant. Di usgnot ai 7 di Dicembar e je la volte di Suns Europe – Sunsûrs, la sezion dal festival dedicade a prose, poesie e teatri.

A son cinc zornadis intensis, plenis di lenghis, peraulis, ideis, libris, storiis, autôrs, viaçs, sunôrs, siums, colôrs. Apontaments a Udin ma ancje inaltrò: a Cividât (Ud), a Flambruç di Rivignan (Ud), a Cormons (Gu), a Cjasarse (Pn) e a Sant Vît dal Tiliment (Pn).

mazzini

Si alternaran presentazions di libris, incuintris cui autôrs, leturis senichis, confronts poetics e trê spetacui, tacant di Gjeografiis Furlanis, in program usgnot, joibe ai 3 di Dicembar, a Udin: un recital dentri lis pagjinis e i autôrs che a àn contât il Friûl par cure di Bottega Errante, cu lis vôs di Mauro Daltin, Maurizio Mattiuzza, Stefania Carlotta Del Bianco e la musiche di Renzo Stefanutti e Susan Franzil.

gjeografiis

Tra i spetacui al è ancje Oggi è sabato sera – Ballata per Primo Carnera (sabide ai 5 di Dicembar, Oratori dal Crist) dulà che il grup Luna e un Quarto e il poete Maurizio Mattiuzza a cjantin la vite di un grant campion, un emigrant furlan deventât il simbul di une gjenerazion. In sene ancje la sand art di Massimiliano Racozzi e Fabio Babich, cu la regjie di Stefania Carlotta Del Bianco.

maurizio-mattiuzza

Lunis ai 7 di Dicembar Suns Europe – Sunsûrs si siere a Cjasarse, cul spetacul Jo i soj (Ricordando Pasolini), di e cun Giovanna Marini. In cheste composizion par vôs che e recite e corâl, Pier Paolo Pasolini si cjate devant di se. La vôs che e recite e lei I giovani infelici, un scrit postum gjavât fûr des Lettere Luterane. La corâl e scolte, e cjante, e ferme il Letôr, e comente, ma simpri cun peraulis di Pasolini, cui viers des poesiis tant bielis par furlan de Nuova Gioventù. Un dibatiment fevelât / cjantât là che Pasolini si cjate, ancjemò une volte, cun se e cuintri di se: a cuarante agns de muart, un moderni Oratori che al celebre la complessitât e la ricjece dal pinsîr e de poesie pasoliniane.

ppp

Tra i incuintris leteraris, doman, vinars ai 4 di Dicembar (a 6 e mieze sot sere te Galarie di art Grid-o) il scritôr sloven Miha Mazzini e il so tradutôr par talian Michele Obit a presentin Il Giradischi di Tito e altris cjançons di vite: al condûs il gjornalist Andrea Ioime cu lis leturis di Alessandro Venier e il Dj set di Gerovynil. Simpri vinars, ma a tacâ di 9 e mieze di gnot alì dal Folk Club La Girada di Udin, l’event al è Suns e Peraulis ‘di a Corsica’, incuintri/conciert cun Patrizia Gattaceca par cure di Marco Stolfo e cu la partecipazion speciâl di Lino Straulino.

gattaceca

Sabide ai 5 di Dicembar, li de Librarie Friuli di Udin (oris 11.00) si scomence cul incuintri dal titul Furlan, lenghe di Suns. Omaç a Franco Marchetta cun Umberto Alberini, Dek Ill Ceesa e Giacomo Trevisan, cu lis leturis di Chiara Donada e cul coordenament di Walter Tomada.
Tal dopomisdì a Udin (a 5 alì de Librarie Ubik) al sarà un apontament par cure di Erika Adami cu lis poetis Patrizia Gattaceca (Corsiche) Luigina Lorenzini (Val di Arzin) Margherita Trusgnach (Sclavanie Furlane) e Fernanda Plozzer (Sauris): si clame Cjantâ une lenghe femine. Poesia e suggestioni dalla Corsica al Friuli plurale.

Rut-Bernardi

Domenie ai 6 di Dicembar la zornade si vierç aes 10.00 alì dal Agriturisim “La regina del Bosco” di Flambruç (Rivignan) cu la gulizion leterarie Scrivi intune lenghe che si lasse inventâ cun Arno Camenisch, Rut Bernardi e Stefano Moratto par cure di Paolo Cantarutti. Leturis di Paolo Bortolussi. Vôs e ghitare Irene Brigitte.
Tal dopomisdì la sezion leterarie di Suns Europe al sarà ospit di Cormons Libri: aes 16.00 in program l’apontament Hinter dem Banhof – Daûr la Stazion. Incuintri cu la scriture di Arno Camenisch, par cure di Federica Angeli cun Rut Bernardi e Arno Camenisch e cu lis leturis di Sandra Cosatto. Aes 20.30 l’incuintri di San Vît dal Tiliment cun Giovanna Marini dal titul Marini/Pasolini, che al anticipe il spetacul de serade sucessive a Cjasarse. L’apontament al è fat in colaborazion cul Centro Studi Pier Paolo Pasolini, il Comun di Cjasarse, il Comun di Sant Vît dal Tiliment e Premiata Falegnameria.

camenisch

Suns Europe al è un progjet metût adun cul jutori de ARLeF (Agjenzie Regjonâl pe Lenghe Furlane) e di Turismo FVG, cul coordenament de cooperative Informazione Friulana e cu la colaborazion dal CEC – Centro espressioni cinematografiche di Udine, des associazions Bottega Errante e Il Laboratorio, de cooperative Punto Zero, dal Comun di Udin e dal Teatri Gnûf ‘Giovanni da Udine’.

Dutis lis informazion su la manifestazion si cjatin achì: www.sunscontest.com.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s