Udinese – Sassuolo 0-0

udin_neri
Nissun gol e un pont par om. Udin e Sassuolo a zuin une partide avonde brutute, là che i parons di cjase a mostrin une muse une vore miôr rispiet a chê presentade a Rome miercus passât, almancul par ce che al tocje il caratar e l’ategjament tatic, ma a palesin ancjemò limits une vore fuarts sul plan dal zûc.

I ospits a patissin la convinzion dai blancs e neris, soredut te prime part de partide, ancje se no si scomponin masse in difese: plui in gjenerâl a badin a evitâ i pericui des bandis di Consigli – e in chel ju jude ancje la pression pôc produtive dal Udin – e a cirin a rispuindi in cuintripît ancje se in maniere avonde sporadiche.

Ae fin dutis dôs lis scuadris, che se a vessin rivât a vinci a varessin vuadagnât posizions in classifiche, a somein plui atentis a no fâsi dal mâl e duncje a contentâsi dal pontut.

La scuadre di balon furlane si presente sul cjamp dal Stadi Friûl cuntune formazion là che si tornin a viodi Felipe, Edenilson, Lodi, Adnan, Bruno Fernandes e Di Natale, che a jerin stâts lassâts fûr te brute partide di Rome. Colantuono al met adun une scuadre compate e ordenade, che e fâs zirâ la bale ma no rive a jessi pardaboin pericolose, cun dut dai tentatîfs di inventâsi alc fats de bande di Di Natale e di Bruno Fernandes. Cussì Consigli al pues stâ trancuîl, intant che tal prin timp si svicinin di plui ae segnadure chei dal Sassuolo, cul pâl esterni cjapât dal ex Floro Flores.

Chê e sarà la uniche vere conclusion de scuadre emiliane in dute la partide. Te prime part de gare nol è nuie altri che al merete ricuardât, ni di une bande ni di chê altre, a part une biele iniziative di Thereau che al libere Di Natale di tac e une buine combinazion tra Totò e Bruno Fernades, che però nol rive a sierâle cemût ce al covente. Tal secont timp, là che il ritmi des dôs scuadris al va al mancul, il miôr al rive tai ultins dîs minûts, cun Aguirre e Wague che però no rivin a metile tal sac.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s