Udinese – Empoli 1-2

L’Udin al continue a pierdi e al continue a pierdi in cjase. Chê di sabide cuntiri dal Empoli e jere la   partide juste par tornâ a meti a scuare un campionât partît pardabon malut, a part la vitorie cuintri de Juve a Turin te scree uficiâl de stagjon. Impen, e je stade une gare là che a son saltâts fûr une altre volte ducj i difiets che la scuadre e à palesâts fin cumò: pocje iniziative, mancjance di costruzion di zûc, tignude atletiche limitade e tendince a no vê masse atenzion.
Cun di plui, dopo cuatri partidis di campionât, la classifiche e scomence a fâ vignî i sgrisui. Cence dismenteâ, magari cussì no, la brute continuitât che e je tra la fin de stagjon passade e l’inviament di chê gnove, in particolâr par ce che al tocje lis partidis pierdudis in cjase: cinc, une daûr di chê altre!

Lis robis no jerin tacadis nancje masse mâl, anzit. Cun di fa, vie pal prin timp la formazion di Colantuono e mostrave une muse avonde positive, e faseve valê une cierte predominance teritoriâl e cussì e rive ancje a cjatâ la strade dal gol: la bale di Adnan e passave a Di Natale e Totò le meteve tal mieç par Duvan Zapata, che cul cjâf le butave dentri cence fastidis.
Il prin timp dai blancs e neris al lave indenant in maniere positive. La scuadre di balon furlane e rivave a movisi ben vie pes fassis laterâls – soredut chê di çampe in graciis de pression di Adnan – e a fâsi viodi in maniere pericolose des bandis di Skorupski. In particolâr, ator de mieze ore di zûc Di Natale al tirave fûr di un et e vot minûts plui indenant il puartîr dal Empoli si vadagnave il pagnut cuntun intervent decisîf suntune conclusion pevarine di Kone.

Tal secont timp la musiche e cambiave, a fuart. Giampaolo al zontave Ronaldo, gjavant fûr Diousse, e i dave a lui la regjie de sô scuadre, in particolâr cun chê di dâ energjie e balons a Maccarone e Pucciarelli e di disfrutâ inte maniere miôr il dinamisim di Saponara, che dopo trê minûts al jere puntuâl pal apontament cuntun assist dal regjist e al tirave a colp sigûr, cun Karnezis che al rispuindeve cuntune deviazion in corner.
Cul passâ dal timp la iniziative e la pression dai ospits a cressevin, intant che a lavin almancul chês dal Udin, in chel istès gnervôs, flap e pôc atent daûr. Cuun di plui, ator dal 71′ l’Udin al restave in inferioritât numeriche par vie de espulsion di Kone e un minût plui indenant al rivave ancje l’un a un di Paredes, jentrât al puest dal ex blanc e neri Zielinski.

Il gol dal argjentin al puartave il risultât in paritât e soredut al marcave la superioritât dai ospits, no dome par vie dal om in plui ma soredut pe determinazion e pe pression ofensive. Colantuono al scugnive rinfuarcî la linie di difese cun Marquinho al puest di Zapata, intant che i empolês si svicinavin al doi a un, ancjemò cun Paredes e cun Saponara, ma Karnezis ur diseve di no.
Al someave che dutis dôs lis scuadris a podessin contentâsi dal risultât parziâl, cun ritmis plui cuiets e cence masse padins. Invezit al jere ancjemò Saponara a meti in crisi i blancs e neris e prontâ un biel assit par Maccarone, che nol mancjave la ocasion di superâ Karnezis cuntun diagonâl precîs.

Il menù dal campionât al presente un altri incuintri in cjase, cuintri dal Milan. Al covente zuiâ e fâ ponts. In maniere assolude.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s