Udinese – Roma 1-1

udin

Un gol e un pont par om. Udin-Rome di Sabide ai 9 di Març al finìs cussì.
In fin dai conts: cence glorie e cence masse displasês.

Lis dôs scuadris a son protagonistis di une partide avonde brutute, cu la Rome che e spiete di zuiâ in cuintripît e l’Udin che nol mostre di vê masse iniziative, cun dut de buine partence che e puarte Di Natale al tîr dopo cuatri minûts.
I romaniscj a son plui fuartuts, dal pont di viste de dotazion tecniche individuâl, e a metât dal prin timp a rivin a jessi plui pericolôs des bandis di Brkič, che al ven superât di Lamela, dopo vê rivât a deviâ su la travierse la conclusion di Florenzi.
La partide pal Udin si fâs plui grivie e di rive sù, cence masse cambiamets.

Tal secont timp l’Udin al à plui iniziative, ma il so zûc nol è alc e ce. Cussì la Rome e ten bon, ancje se Muriel e Maicosuel a son un tic plui pericolôs. Al rive cussì il gol di Muriel che i fâs passâ la bale sot des gjambis di Stekelenburg.
La ultime part de partide e je la Rome a zuiâ plui al atac, al è un episodi dubi in aree par bande e Hertaux al ven butât fûr par vie di un intervent iregolâr su Florenzi, punît in maniere ecessive de bande dal arbitri che al tire fûr daurman il cartelin ros.
L’Udin in dîs si difint, la Rome e sburte e Osvaldo al spreche une ocasion jueste a fin de partide. Un a un.

E reste vierte une domande: l’Udin aial dome fermât la Rome, che però e manten la sô posizion, o aial fat ancje un passut indenant viers de Europe?

Une rispueste sigure e rivarà dome ae fin de partide cul Catania, Sabide ai 16 di Març aes 6 sot sere.

Advertisements

One thought on “Udinese – Roma 1-1

  1. Pingback: Catania – Udinese 3-1 | LIDRÎS E BUTUI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s