Zornade de femine, paritât ducj i dîs

8diMarç2013

Vuê e je la Fieste de femine o, miôr, la Zornade internazionâl de femine.

E je un ocasion par resonâ parsore de cundizion des feminis in dut il mont, sei in cont des concuistis sociâls, politichis e e conomichis des feminis che su dut ce che al tocje lis discriminazions, lis violencis e lis violazions che a son ancjemò in dì di vuê.

La riflession e cjate tal lunari une sô zornade specifiche, ancje se al è clâr che la zornade dai dirits e duncje dal rispiet, de libertât e de paritât tra om e femine e à di jessi ducj i dîs.

Cun cheste cjaladure, pai 8 di Març al merete dât un cuc al sît tematic dal Comun di Turin dedicât ae partitât, là che tra lis altris si cjate ancje il program dai events in program in chescj dîs in citât e no dome chel. Un spazi informatîf di tignî di voli ducj i dîs.

In cont di paritât e dirits, al è interessant viodi cemût che, magari cussì no, une vore dispes tes comunitâts linguistichis minorizadis lis feminis a patissin une dople minorizazion: chê di gjenar e chê linguistiche e culturâl. Al è ce che al salte fûr, par esempli in Sardegne, di un scandai sociolinguistic fat un pôcs di agns indaûr, che al ven ricuardât ancje di Roberto Bolognesi tal so blog.

A proposit di lenghe sarde e di dople minorizazion, al è interessant ce che al scrîf Pepe Coròngiu in ocasion dai 8 di Març: un invît aes feminis a doprâ la lenghe sarde tant che forme di liberazion.

Lu publichìn par sart, te sô version origjinâl:

« Fèminas, s’oto de martzu torrade a faeddare in sardu. Unu pagu nessi. Liberade.bos dae s’òbligu de èssere semper “carine” e de non pòdere impreare sa limba de sos grezos. Iscapiade.bos.
Torrare a faeddare in sardu est una liberatzione non petzi polìtica e sotziale, ma finas individuale e de gènere.
Sas fèminas difatis ant patidu prus de is òmines s’impositzione linguìstica de s’italianu ca depiant èssere a mala bògia belligheddas, allichididas, ‘carine’, e non depiant faeddare su sardu, sa limba de is ‘grezos’ assugetados.
In prus de sa prepotèntzia natzionalista, cussa de sos mascros.
Ite liberatzione e emantzipatzione mègius de torrare a faeddare sa limba proibida?»

La Zornade de femine e ven memoreade ancje in Friûl. Tra lis tantis iniziativis, ve chi une segnalazion: a Colorêt di Montalban il teatri sperimentâl di Vile e la associazion El Tomât a inmanein pai 8 di Març a 8 e trê cuarts sot sere une serade dedicade ae scritore Maria Forte, «femine furlane fûr dal ordenari».

Advertisements

2 thoughts on “Zornade de femine, paritât ducj i dîs

  1. Pingback: Zornade de femine 2014, paritât ducj i dîs | LIDRÎS E BUTUI

  2. Pingback: I 8 di Març di Rosina Cantoni | LIDRÎS E BUTUI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s