Milan – Udinese 2-1

udin

Doi goi di Balotelli: il prin suntun cross di El Shaarawy; il secont su assist di… Valeri.
Cun chel rigôr sivilât cuintri dal Udin juste ae fin de partide, al tierç minût suplementâr, l’arbitri (Isal chel stes Valeri di Udinese-Juventus 1-4, dal rigôr inesistent e de espulsion consecuenziâ di Brkič? Sì…) al puarte vie il rûl di protagonist de serade al zuiadôr a pene rivât al Milan dal Manchester City. E al puarte vie al Udin chel pont che al someave aromai vudagnât e che al jere ancje meretât, in fin dai conts.

L’intervent di Hertaux che al cjape la bale a El Shaarawy, che po si inçopede su lis sôs gjambis, al  è regolâr, ma il diretôr di gare no le viôt cussì. L’episodi al determine il risultât finâl, che al premie il Milan e al punìs la scuadre furlane. Cence fevelâ de rincorse “go, stop and go” di SuperMario pal tîr dai undis metris. Chê li sì che e jere iregolâr: il rigôr al varès vût di jessi tornât a bati.

L’Udin, soredut tal prin timp, nol fâs masse e al somee rinunciatari. Par fortune nol rive ai nivei di avilizion di Turin cuintri de Juve, ma al è di domandâsi se al è cussì che e à di compuartâsi une scuadre che e à voie di lâ in Europe e soredut che si cjate in cundizions par provâ a fâlu.

I zuiadôrs blancs e neris no dan fastidi al Milan, cun dut che la difese e je il so repart plui clopadiç, ma a tegnin avonde bot. A cjapin un gol ae metât dal prin timp – sigjil de superioritât dal zûc dai parons di cjase – intant che Padelli al fâs cualchi intervent biel e determinant e la uniche iniziative ofensive e je chê puartade indenant di Muriel, che però al pierti il moment bon par slargjâ a çampe par Pinzi.

Tal secont timp la scuadre furlane e à un tic plui di snait e cussì e rive a fâ pâr cun Pinzi, che chest viaç al rive a sierâ cun  sucès une triangolazion cun Muriel, ancje in graciis di une cierte durmide dai difensôrs.
Dopo di chê, cuant che al varès podût provâ a disfrutâ il disorientament milanist, l’Udin al à miôr difindi l’un a un. Lu fâs avonde ben, ma no dal dut, stant che propit la azion che si siere cu la sivilade di Valeri e partìs di une disatenzion tal mieç dal cjamp.

La partide e finìs: doi a un. Robis di inrabiâsi o di provâ a jessi diplomatics.

Prossime pontate: a Udin cuintri dal Toro.

Advertisements

One thought on “Milan – Udinese 2-1

  1. Pingback: Milan – Udinese 1-0 | LIDRÎS E BUTUI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s