Udinese – Fiorentina 3-1

totoorei

L’Udin al zuie ben e al vinç ancje cu la Fiorentina. Soredut e cjate conferme la cubie di atac formade di Muriel e Di Natale: trê goi in doi, compagn che cuintri dal Inter.
In principi la scuadre furlane e à ancje un tic di sfighe, cul “autogollonzo” di Brkič. Dopo si sbroche e  i da une man ancje la fortune, che no jere stade par nuie dongje dai blancs e neris tai incuintris di prin fats in cheste stagjon cuintri de formazion vuidade di Montella.

Une altre domenie di fieste pai tifôs furlans, in spiete dal incuintri di sabide che al ven a Turin.

La sodisfazion e je juste, ma al è miôr no esaltâsi masse, cemût che al ricuarde il diretôr gjenerâl Franco Collavino su UdineseBlog.
Alore, “stin clamuts”, cemût ch al diseve mister Guidolin timp indaûr. Disìn che cun trente ponts in classifiche o sin a “mancul 10” de “cuote 40”, il nivel soiâr di jonzi par rivâ ae salvece.

Sabide l’Udin al zuiarà cuintri de Juventus. Sperìn in ben.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s