Al è tacât ben il 2013 pal Udin. Îr la scuadre di balon furlane e à vinçût 3-0 cuintri dal Inter. L’Udin al à zuiât pardabon une biele partidone.
La atenzion dai media e je stade dute pal Inter che al à pierdût, ma no je une novitât.
Sperìn che alc dal gjenar al sucedi ancje chi di mancul di dôs setemanis a Turin.
A chês condizions, al va ben ancje no jessi calcolâts masse dai gjornâi, des radios, des televisions e de rêt.
Biel ancje il strisson cuintri dal razisim. Cun dut achel, une domande e ven spontanie: no saressial stât inmò plui biel se lu vessin fat ancje par furlan?
A proposit di strissons, di cartelons e di lenghe furlane li dal Stadi Friûl, al merete segnalât chest, prontât propit pe partide di îr.
Advertisements
