Liet International 2012. Lenghis e musiche in fieste

Liet-International-2012

Trê dîs biei pençs dedicâts ae musiche, aes lenghis e ai dirits linguistics.
Di Joibe ai 29 di Novembar a Sabide al prin di Dicembar, si à davuelte a Xixón/Gijón tes Asturiis, tal Stât Spagnûl, la edizion 2012 dal
Liet International, il festival european dedicât ae musiche cjantade tes lenghis di minorance.
L’apontament al è stât une ocasion di incuintri e di confront, tra concierts, cunvignis
e l’event finâl di Sabide di sere, cui finaliscj in sene li dal teatri dal centri culturâl Laboral, ae perifarie de citât portuâl asturiane.

La cunvigne sul rapuart tra lenghis minorizadis, produzion musicâl e tutele che e je stade fate vinars ai 30 di Novembar li de Universitât di Uviéu/Oviedo e je stade interessante e siore di contignûts. Tra i relatôrs e jere ancje la presidente de Academia de la Llingua Asturiana, Ana Cano, che e à presentât la situazion plene di contradizions de comunitât asturiane e de sô lenghe, marcant la necessitât che, daûr dai esemplis catalan, basc e galizian, al vegni ricognossût il status di lenghe couficiâl
a nivel regjonâl ancje al asturian.

llinguaasturianaoficialya001

La cuistion e je saltade fûr ad in plen ancje te serade di Sabide, segnade di une sorte
di “flash mob” a pro de
“oficialidá de la llingua asturiana”.
La partecipazion dal public ae finâl e à vût ancje chest caratar rivendicatîf, che al è saltât fûr soredut te part conclusive de serade cuant che, tant che ospits speciâi, a àn sunât i
Dixebra, pionîrs dal “astur rock” plui infogât e plui cussient, cemût che a àn mostrât te lôr esibizion.

dixebra2011

Prime de band che al principi dal 2012 e à finût i siei 25 agns di ativitâts si son alternâts sul palc i grups e i soliscj finaliscj.
A àn viert il conciert i Dopu Cena, un grup cors di vot elements che al interprete in clâf moderne la vocalitât tradizionâl de isule. Dopo di lôr a son rivâts i bascs Enkore, cuartet pop punk che al à mostrât une buine energjie. Elegante e plasevule la propueste dai catalans algherês Claudia Crabuzza e Claudio Gabriel Sanna.
Brian Ó hEadhra al à presentât une cjançon par gaelic scozês une vore folk
e melodiche, intant che i
IB&4CP de repubbliche russe de Udmurtie
a àn fat scoltâ un toc 
lizêr e pop.

asturiana_mining_company_0

Energjie, esperience e professionalitât a son lis carateristichis mostradis sul palc dai “parons di cjase” de Asturiana Mining Company, tra folk, jazz e blues. Pop melodic de Frisie e de comunitât sami dal Circul Polâr Artic cul grup Yldau e cu la cjantautore di 17 agns Inger Karoline Gaup.
Trê propuestis di cualitât e personalitât a àn rapresentât Friûl, Basse Sassonie e Bretagne: il grup rock Jonokognòs, la band The Voodoolectric e la cjantautore di divignince galese Lleuwen.

lleowen_p

Il festival al proviodeve doi vincidôrs: un sielzût dal public, in sale e a cjase,
denant de television o dal ordenad
ôr, e chel altri votât di une jurie di esperts.
Il premi dal public al è l
ât ai Asturiana Mining Company.
Lleuwen, cu la s
ô vôs e cul so stîl, e je rivade a inmagâ ducj i jurâts, sei chei plui rock e alternatîfs che chei di guscj plui melodics o folk.

Advertisements

One thought on “Liet International 2012. Lenghis e musiche in fieste

  1. Pingback: “JNK-Oltri la ultime frontiere” | LIDRÎS E BUTUI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s