Gnovis de Ocitanie e de Europe

Al è saltât fûr che nol è tant il gnûf numar di Nòvas d’Occitània,
il periodic di informazion in rêt che al tocje lis tieris “d’Oc”
e lis minorancis linguistichis dal Piemont e di inaltrò intal Stât talian e ator pe Europe.

In cheste ocasion, dongje di articui par ocitan e par francprovençal,
a’nd è ancje un par furlan, che al fevele
dal libri “Occitania, Friuli, Europa. La mia lingua suona il rock”,
dât fûr de associazion Lidrîs e Butui.

O cjatais dut achì: http://www.chambradoc.it/novasDOccitania.page.

“Alloggi-a-mi”, une biele iniziative a Mirafiori

Un jutori pai students forescj e pes fameis di chenti. Al è chel che al rive di “Alloggi-a-mi”,
un biel progjet metût adun a Mirafiori de bande de Associazione ARIS.

La iniziative e met dongje ospitalitât e socialitât cun chê di cjatâ une sistemazion ai zovins di fûr che a studiin a Turin, di dâ une man aes fameis dal cuartîr e di fâ rindi, daûr di une logjiche solidarie, chei apartaments che a son vueits, in part o ad in plen.

Il progjet al è stât presentât intun articul saltât fûr a pagjine 7 dal numar di Otubar dal periodic “Mirafiori Sud”: http://www.mirafiorisud.org/numeri/201210/6-7-8.pdf.

Par savênt di plui: alloggiami@gmail.com.

Robe buine di scoltâ, di cjalâ e di lei

Une biele iniziative editoriâl di Associazione Giorgio Ferigo e Forum Editrice Universitaria:
un libri cun cuarti cds, cu la musiche, lis peraulis e une schirie di fotos di Giorgio Ferigo
e dal Povolâr Ensemble.
Il dut al è stât presentât in anteprime vuê a Udin:
http://www.regione.fvg.it/rafvg/comunicati/comunicato.act?dir=/rafvg/cms/RAFVG/notiziedallagiunta/&nm=20121127143918010 .

O tornarìn ancjemò sul argoment.
Par intant, par savênt di plui: http://www.giorgioferigo.net/wp-content/uploads/prenotazione-Povolar.pdf.

The Day(s) After

I rivocs de prime Conference regjonâl
su la tutele de minorance linguistiche furlane,
davuelte sabide a Udin, a rivin ancje a Turin.

Ve chi ce che al scrîf sul argoment Sandri Carrozzo:
http://www.sandricarrozzo.blogspot.it/2012/11/la-cunvigne-plui-penose-che-o-vedi.html.

E ce che al salte fûr sul blog dal Comitât pe autonomie e pal rilanç dal Friûl:
http://comitat-friul.blogspot.it/2012/11/verso-un-nuovo-paradigma-nella-politica.html#comment-form.

Editorie. “Ciak! Si colore cun Gnognowood”

I Gnognosaurs a son dinosaurs gnognos e divertents che a fevelin par furlan.
Cul invier che si svicine a tornin a fâsi viodi in librarie.

Il libri, dut di lei e di piturâ, al è stât presentât îr a Udin.

Par savênt di plui: http://gnognosaurs.blogspot.it/2012/11/ciak-si-colore-cun-gnognowood.html

Conference regjonâl su la tutele de minorance linguistiche furlane

Vuê si davuelç a Udin la prime Conference regjonâl su la tutele
de minorance linguistiche furlane.

E varès di jessi une ocasion par fâ il pont de situazion su la metude in vore
de Leç regjonâl 29/2007 su la tutele, la promozion e la valorizazion de lenghe furlane.
Al è il pericul che al sedi dome un moment di propagande eletoralistiche.

Par sghindâ chest pericul e cjalâ in muse le realtât, o segnalìn
il comunicât dal Comitât/Odbor/Komitaat/Comitato 482,
che al ten dongje associazions e altris entitâts des comunitâts
furlane, slovene e gjermaniche dal Friûl.

Lu cjatais achì: http://com482.blogspot.it/2012/11/cemut-sino-cu-la-metude-in-vore-de-lec.html.